சாக்சபோன் இசைக்கலைஞர் கத்ரி கோபால்நாத் காலமானார்

புகழ் பெற்ற சாக்சபோன் இசைக்கலைஞர் கத்ரி கோபால்நாத் உடல்நலக்குறைவால் காலமானார்.

கத்ரி கோபால்நாத் கர்நாடக மாநிலம் மங்களூரில் 1949ம் ஆண்டு டிசம்பர் 11ந் தேதி பிறந்த இவர், சென்னையில் பிரபல மிருதங்க இசைக்கலைஞர் டி.வி.கோபாலகிருஷ்ணனிடம் இசைப்பயிற்சி பெற்றார். தமிழ், தெலுங்கு, மலையாளம், கன்னட மொழி படங்களுக்கு இவர் இசையமைத்துள்ளார். கத்ரி கோபால்நாத்தின் இசை சேவையை பாராட்டி மத்திய அரசு 2004ம் ஆண்டு பத்மஸ்ரீ பட்டமும், தமிழக அரசு சார்பில் கலைமாமணி பட்டமும் வழங்கி கவுரவித்தது. இதனை தொடர்ந்து கர்நாடக மாநிலம் மங்களூரில் உடல்நலக்குறைவால் அவதியடைந்து வந்த கத்ரி கோபால்நாத் மருத்துவமனையில் காலமானார். மறைந்த கத்ரி கோபால்நாத்க்கு கர்நாடக இசையமைப்பாளர்களும், ரசிகர்களும் வருத்தம் தெரிவித்து வருகின்றனர்.