ஈரோட்டில் இரும்பு கடையின் பூட்டை உடைத்து ரூ.50 ஆயிரம் கொள்ளையடிக்கப்பட்டுள்ளது. இது தொடர்பான சிசிடிவி காட்சிகளை கொண்டு காவல்துறையினர் கொள்ளையனை தேடிவருகின்றனர்.
ஈரோடு கே.என்.கே.ரோட்டை சேர்ந்தவர் அபிபுல்லா, வயது 65. அப்பகுதியில் குறிஞ்சி ஸ்டீல் என்ற இரும்பு கடை நடத்தி வருகிறார். நேற்று முன் தினம் இரவு 11:00 மணி அளவில் கடையை பூட்டி விட்டு சென்ற அவர், நேற்று காலையில் கடையை திறக்க சென்ற போது கடையின் முன்புற கதவு திறந்து இருந்து இருந்ததை கண்டு அதிர்ச்சி அடைந்தார். கடைக்குள் சென்று தன் அறையில் இருந்த மேஜையை பார்த்தார். மேஜை டிரா உடைக்கப்பட்டு இருந்தது. அதில் இருந்த ரூ.50 ஆயிரம் பணமும் திருடு போனது தெரியவந்தது. இதுகுறித்து ஈரோடு கருங்கல்பாளையம் காவல்நிலையதில் புகார் செய்தார். இந்த நிலையில் கடையில் இருந்த சி.சி.டி.வி. காட்சிகளை காவல்துறையினர் விசாரணை மேற்கொண்டதில். கடைக்குள் புகுந்து பணத்தை திருடிய நபர் குறித்து தற்போதுஅடையாளம் தெரியவந்துள்ளது. அந்த மர்ம நபரை கைது செய்ய காவல்துறையினர் நடவடிக்கை மேற்கொண்டுள்ளனர்.
Discussion about this post