இலங்கையில் தும்பிக்குளம் காட்டுப்பகுதியில் மர்மமான முறையில் 7 பெண் யானைகள் உயிரிழந்துள்ள சம்பவம் அப்பகுதியில் அதிர்ச்சியை ஏற்படுத்தியுள்ளது.
இலங்கையில் பொலனறுவை மாவட்டம் தும்பிக்குளம் காட்டுப்பகுதியில் 4 யானைகளின் உடல்கள் கண்டுபிடிக்கப்பட்டன. அதன் பிறகு, அதே பகுதியில் மீண்டும் 3 யானைகளின் உடல்கள் கண்டுபிடிக்கப்பட்டன. சடலங்களாகக் கண்டுபிடிக்கப்பட்ட 7 பெண் யானைகளுள் 3 பெண் யானைகள் கர்ப்பம் அடைந்திருந்ததாகவும் தெரிவிக்கப்பட்டுள்ளது. யானைகள் உயிரிழந்ததற்கான காரணம் இதுவரை கண்டறியப்படவில்லை என வனத்துறை அதிகாரிகள் தெரிவித்தனர். அப்பகுதியில் வேறு ஏதேனும் யானைகள் உயிரிழந்துள்ளனவா எனக் கண்டறிவதற்காகக் காட்டுப்பகுதியில் வனத்துறை அதிகாரிகள் தேடுதல் பணியில் ஈடுபட்டுள்ளனர்.
Discussion about this post