ஆயுத பூஜையையொட்டி பொரி தயாரிப்பு பணிகள் தீவிரம்

நாமக்கல் மாவட்டம் பரமத்திவேலூரில் ஆயுத பூஜையை முன்னிட்டு பொரி தயாரிக்கும் பணிகள் தீவிரமாக நடைபெற்று வருகிறது. பொரி தயார் செய்வதற்கான அரிசி கர்நாடக மற்றும் மேற்கு வங்காளம் மாநிலத்தில் இருந்து வரவழைக்கப்பட்டுள்ளது. நாமக்கல், கரூர், ஈரோடு உள்ளிட்ட பல்வேறு மாவட்டங்களைச் சேர்ந்த மொத்த வியாபாரிகள் பரமத்திவேலூர் பகுதியிலிருந்து பொரியை வாங்கிச் செல்வது வழக்கம். இந்நிலையில் ஆயுத பூஜைக்கு குறைந்த நாட்களே உள்ளதால் பொரி தயாரிப்பு பணிகள் தீவிரமாக நடைபெற்று வருகிறது.