இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்கா கிரிக்கெட் அணி, மூன்று 20 ஓவர் கிரிக்கெட் மற்றும் டெஸ்ட் போட்டி தொடரில் விளையாடுகிறது. கடந்த 15 ஆம் தேதி நடைபெறவிருந்த முதல் 20 ஓவர் கிரிக்கெட் போட்டி மழையின் காரணமாக ரத்து செய்யப்பட்டது.
இந்நிலையில் மொகாலியில் இரண்டாவது 20 ஓவர் கிரிக்கெட் போட்டி இன்று தொடங்கியது. முதலில் விளையாடிய தென்ஆப்பிரிக்கா அணி, இருபது ஓவர் முடிவில் 5 விக்கெட் இழப்பிற்கு 149 ரன்கள் குவித்தது.
இதனைத் தொடர்ந்து, இந்திய அணி 150 ரன்கள் வெற்றி இலக்கை நோக்கி விளையாடியது. சிறப்பாக ஆடிய தவான் 40 ரன்களில் ஆட்டமிழந்தார். மற்றொரு வீரரான கேப்டன் விராட் கோலி அதிரடியாக விளையாடி அரை சதம் அடித்தார். இறுதியில், 19 ஓவர்கள் முடிவில் இந்திய அணி வெற்றி இலக்கை எட்டியது. இதன்மூலம், 7 விக்கெட் வித்தியாசத்தில் இந்திய அணி வெற்றிப் பெற்றது.
3 போட்டிக் கொண்ட தொடரில், இந்திய அணி 1-0 என்ற கணக்கில் முன்னிலைப் பெற்றுள்ளது.
Discussion about this post