மதுரையில் நண்பனை காப்பாற்றும் முயற்சியில் உயிரிழந்த இளைஞர்

மதுரையில் நண்பனை காப்பாற்றும் முயற்சியில் இளைஞர் ஒருவர் உயிரிழந்த சம்பவம் அதிர்ச்சியை ஏற்படுத்தியுள்ளது.

மதுரை சின்ன சொக்கிகுளம் பகுதியை சேர்ந்த கார்த்திகேயனும், அவரது உறவினர் செல்வ கார்த்திக் இடையே தகராறு ஏற்பட்டுள்ளது. தகராறு முற்றியதில் செல்வ கார்த்திக் மறைத்து வைத்து இருந்த கத்தியால், கார்த்திக்கேயனை குத்த முயன்றுள்ளார். அப்போது, தடுக்க சென்ற கார்த்திகேயனின் நண்பர் சங்கையா மீது எதிர்பாராத விதமாக கத்தி குத்தி உள்ளது. இதில், படுகாயமடைந்த சங்கையா சம்பவ இடத்திலேயே உயிரிழந்தார். காயமடைந்த கார்த்திகேயன், மதுரை அரசு ராஜாஜி மருத்துவமனையில் சிகிச்சை பெற்று வருகிறார். தகவலறிந்து சம்பவ இடத்திற்கு வந்த காவல்துறையினர் வழக்குப்பதிவு செய்து விசாரணை நடத்தி வருகின்றனர்.