சின்னசேலம் அருகே தொடர் திருட்டில் ஈடுபட்டு வந்த மர்ம நபர் கைது

கள்ளக்குறிச்சி மாவட்டம் சின்னசேலம் அருகே வீடு புகுந்து கொள்ளையடித்த ஒருவரை காவல்துறையினர் கைது செய்தனர். இப்பகுதியில் அடிக்கடி திருட்டு சம்பவம் அரங்கேறி வந்த நிலையில், கடந்த சில தினங்களுக்கு முன்பு, வினோத் என்பவர் வீட்டிலும், ராமர் என்பவர் வீட்டிலும் நகைகளை கொள்ளையடித்தது தொடர்பாக விசாரணை நடத்தப்பட்டு வந்தது. இந்நிலையில், திருட்டு சம்பவத்தில் ஈடுபட்டு வந்த பழனிசாமி என்பவரை காவல்துறையினர் கைது செய்து அவரிடமிருந்து 10 சவரன் நகையை பறிமுதல் செய்தனர்.