சென்னையில் சுதந்திரப் போராட்டத் தியாகிகளின் ஓவியத்தை வரைந்த மாணவர்கள்

சென்னையில் உலக சாதனை முயற்சியாக, சுதந்திர போராட்ட வீரர்களின் உருவங்களை மிகப்பெரிய ஓவியமாக வரையும் நிகழ்ச்சி நடைபெற்றது.

சென்னை விருகம்பாக்கத்தில் உள்ள தனியார் பள்ளியில், தனியார் ஓவிய பயிற்சி மையத்தின் சார்பில் உலக சாதனை முயற்சி நடைபெற்றது. இதில் வ.உ.சிதம்பரனார், குயிலி, வீரபாண்டிய கட்டபொம்மன், கொடி காத்த குமரன், பாரதியார் உள்ளிட்ட சுதந்திரப் போராட்ட வீரர்களின் உருவங்களை 2019 சதுர அடி பரப்பில் வண்ண சாக்பீஸ்களைக் கொண்டு வரைந்தனர். இந்த நிகழ்ச்சியில் பல்வேறு பள்ளிகளைச் சேர்ந்த நூற்றுக்கு மேற்பட்ட மாணவர்கள் கலந்து கொண்டு ஓவியம் வரைந்தனர். மேலும் உலக சாதனை படைப்பதற்காக இந்த முயற்சி நடைபெற்றதாக விழா ஏற்பாட்டாளர்கள் தெரிவித்தனர்.