மகான் அரவிந்தரின் 147-வது பிறந்த தினம் சிறப்பாக கொண்டாட்டம்

மகான் அரவிந்தரின் 147-வது பிறந்த தினம் புதுச்சேரி அரவிந்த் ஆசிரமத்தில் சிறப்பாக கொண்டாடப்பட்டது.

புதுச்சேரி அரவிந்தர் ஆசிரமத்தில் மகான் அரவிந்தரின் 147-ஆவது பிறந்த தினம் இன்று கொண்டாடப்பட்டது. இதனையொட்டி நாட்டின் பல்வேறு மாநிலங்கள் மற்றும் வெளிநாடுகளிலிருந்து ஏராளமான அரவிந்தரின் பக்தர்கள் புதுச்சேரிக்கு வந்திருந்தனர். இதனையொட்டி இன்று அதிகாலை ஆசிரமத்தில் நடைபெற்ற கூட்டு தியானத்தில் ஏராளமானோர் கலந்துகொண்டனர். மேலும் அரவிந்தரின் பிறந்தநாளை முன்னிட்டு அரவிந்தர் மற்றும் அன்னை பயன்படுத்திய பொருட்கள் பக்தர்களின் பார்வைக்கு வைக்கப்பட்டிருந்தன. பக்தர்கள் நீண்ட வரிசையில் நின்று அரவிந்தரை தரிசித்தனர். இதேபோல் ஆரோவில்லில் உள்ள மாத்தர் மந்தீரில் அரவிந்தரின் பிறந்த தினத்தையொட்டி ஏராளமான வெளிநாட்டினர் ஒன்றுகூடி பார்ன் ஃபயர் என்னும் கூட்டு தியானத்தில் ஈடுபட்டனர்.