ஆப்கானிஸ்தானில் கார் வெடிகுண்டு தாக்குதலில் 2 பேர் பலி – 25 பேர் காயம்

ஆப்கானிஸ்தானில் தீவிரவாதிகள் நடத்திய கார் வெடிகுண்டு தாக்குதலில் 2 பேர் உயிரிழந்தனர். 25-க்கும் மேற்பட்டோர் காயமடைந்துள்ளனர்.

தலைநகர் காபூலில் உள்ள சாகித் சதுக்கம் அருகே சக்திவாய்ந்த குண்டு வெடித்தது. இந்த தாக்குதலில் 2 பேர் கொல்லப்பட்டனர். 25க்கும் மேற்பட்டோர் காயமடைந்தனர். வெடிகுண்டு தாக்குதலுக்கு எந்த அமைப்பும் இதுவரை பொறுப்பேற்கவில்லை. எனினும், தலிபான் மற்றும் ஐ.எஸ்.ஐ.எஸ். அமைப்புகள் அப்பகுதியில் இதற்கு முன்பு பல்வேறு தாக்குதல்களை நிகழ்த்தியுள்ளன. இதனிடையே, காபூலில் நிகழ்ந்த தீவிரவாத தாக்குதலுக்கு இந்திய வெளியுறவு அமைச்சகம் கடும் கண்டனம் தெரிவித்துள்ளது.