சமூக வலைத்தளங்களில் வைரலாகும் கிரிக்கெட் வீரர்களின் வயதான தோற்றம்

கிரிக்கெட் வீரர்கள் வயதான தோற்றத்தில் இருக்கும் புகைப்படங்கள் சமூக வலைத்தளங்களில் வைரலாக பகிரப்பட்டு வருகிறது.

இந்தியாவில் கிரிக்கெட் ரசிகர்கள் அதிகளவில் இருக்கின்றனர். இந்நிலையில் சில கிரிக்கெட் ரசிகர்கள் தங்களுக்குப் பிடித்த கிரிக்கெட் வீரர்களின் முதிய தோற்றத்தை மொபைல் செயலிகள் கொண்டு உருவாக்கி சமூக வலைத்தளங்களில் அதிகளவில் பகிர்ந்து வருகின்றனர். மகேந்திர சிங் தோனி, விராட்கோலி, ரோஹித் சர்மா, ரவீந்திர ஜடேஜா, சாஹல் உள்ளிட்டோரின் வயதான தோற்றம் கொண்ட புகைப்படங்கள் அதிகளவில் கிரிக்கெட் ரசிகர்களால் பகிரப்பட்டு வருகின்றன. அதேபோல், நியூசிலாந்தின் கேன் வில்லியம்சன், மேற்கு இந்திய தீவுகளின் கெய்ல், இலங்கையின் மலிங்கா, ஆஸ்திரேலியாவின் ஸ்டீவ் ஸ்மித் ஆகியோரின் வயதான தோற்றம் கொண்ட புகைப்படங்கள் அதிகளவில் டிரெண்ட் செய்யப்பட்டு வருகின்றன.