மிஸ் தமிழ்நாடு நீலகிரி அழகி போட்டியில் அசத்திய கல்லூரி மாணவிகள்

உதகையில் நடைப்பெற்ற மிஸ் தமிழ்நாடு நீலகிரி அழகிப் போட்டியில் கல்லூரி மாணவிகள் கலந்து கொண்டு அசத்தினர்.

உதகையில் நடைப்பெற்ற மிஸ் தமிழ்நாடு நீலகிரி அழகிப் போட்டியில், நீலகிரி மாவட்டத்தை சேர்ந்த கல்லூரி மாணவிகளும் பிற மாநிலம் மற்றும் மாவட்டங்களில் இருந்து நீலகிரியில் தங்கி படிக்கும் மாணவிகளும் அழகி போட்டியில் கலந்து கொண்டனர். ஒவ்வொரு போட்டியாளர்களும் விதவிதமான ஆடைகளை அணிந்து ஒய்யாரமாக நடந்து வந்து பார்வையாளர்களை கவர்ந்தனர். இதில் ஜம்மு காஷ்மீரில் இருந்து வந்து உதகையில் தங்கி கல்லூரியில் படிக்கும் மாணவி விரிய சவுத்திரி முதலிடத்தை தட்டி சென்றார். குன்னூரை சேர்ந்த சங்கீதா இரண்டாவது இடத்தையும், பவன்திமா மாணவி மூன்றாவது இடத்தையும் பிடித்தனர். மிஸ் தமிழ்நாடு நீலகிரி அழகிப் போட்டியை சுற்றுலா பயணிகள் ஏராளமானோர் கண்டு ரசித்தனர்.