திருப்பதி மலைப்பகுதியில் மோட்டார் சைக்கிளில் சென்று கொண்டிருந்த பெண்கள் மீது சிறுத்தை தாக்குதல் நடத்தியதில் காயமடைந்த இருவரும் மருத்துவமனையில் சிகிச்சை அனுமதிக்கப்பட்டுள்ளனர்.
திருப்பதி மலையில் அமைந்துள்ள பாலாஜி நகரில் வசிக்கும் பாவனி, யாமினி ஆகிய இரண்டு பெண்கள் இருசக்கர வாகனத்தில் பயணம் செய்துள்ளனர். அப்போது வனப்பகுதியில் இருந்து வந்த சிறுத்தை அவர்கள் மீது பாய்ந்து தாக்குதல் நடத்தியது. இதில் இருவருக்கும் லேசான காயங்கள் ஏற்பட்டது. எனினும் அவர்கள் இருவரும் தங்கள் வாகனத்தை வேகமாக செலுத்தி, தப்பினர். அப்பகுதியில் வந்த வாகனங்கள் மீதும் சிறுத்தை தாக்குதல் நடத்தியதாக தெரிகிறது. இதில், அதிர்ஷ்டவசமாக யாருக்கும் காயங்கள் ஏற்படவில்லை. இந்நிலையில் திருப்பதி மலைப் பகுதியில், பக்தர்களின் பாதுகாப்பை உறுதி செய்யும் விதமாக கண்காணிப்பு தீவிரப்படுத்தப்பட்டுள்ளது.
Discussion about this post