ஆட்டோ ஓட்டுநர்களுக்கு விருந்தளித்து மகிழ்வித்த நடிகர் விஜய்..

தமிழ் சினிமாவின் தளபதியாக ரசிகர்களை மகிழ்வித்துவிரும் நடிகர் விஜய் எல்லா வருடமும் மே தினத்தை முன்னிட்டு தனது சொந்த செலவில் ஆட்டோ ஓட்டுநர்களுக்கு விருந்தளித்து பரிசுப் பொருட்கள் வழங்கும் நிகழ்ச்சியை நடத்துவது வழக்கம் .

ஆனால் விஜய் அடுத்ததாக இயக்குநர் அட்லி இயக்கத்தில் பெயரிடப்படாத படத்தில் நடித்து வருகிறார். தீபாவளிக்கு வெளியாகும் இந்த படத்தில் அவருக்கு ஜோடியாக நயன்தாரா நடிக்கிறார். தொடர் படப்பிடிப்பில் இருந்ததால் இந்த வருடம் அவர் அந்த நிகழ்ச்சியை நடத்தவில்லை.

இருந்தாலும் நிகழ்ச்சி நடக்காமல் இருக்கக்கூடாது என்ற நோக்கத்தில் விஜய் மக்கள் இயக்க மாநில நிர்வாகி புஸ்ஸி ஆனந்த் தலைமையில் நேற்றைய தினம் இத்தகைய நிகழ்ச்சிக்கு ஏற்பாடு செய்தார். இந்த நிகழ்ச்சியில் ஏராளமான ஆட்டோ ஓட்டுநர்கள் கலந்து கொண்டு உணவு சாப்பிட்டனர். பின் அவர்களுக்கு நடிகர் விஜய் சார்பில் பரிசுப்பொருட்களும் வழங்கப்பட்டன.