தொடர் முகமூடி கொள்ளையில் ஈடுபட்ட கொள்ளையர்கள் கைது

சென்னை அண்ணாநகரில் தொடர் முகமூடி கொள்ளையில் ஈடுபட்ட கொள்ளையர்கள் 3 பேர் கைது செய்யப்பட்டுள்ளனர்.

சென்னை அண்ணாநகரை சேர்ந்த சுரேஷ் என்பவர் வழக்கறிஞராக உள்ளார். இவரது வீட்டில் புகுந்த முகமூடி கொள்ளையர்கள் 40 ஆயிரம் ரூபாயையும் மற்றும் 30 ஆயிரம் ரூபாய் மதிப்புள்ள வெளிநாட்டு கரன்சி நோட்டுக்களையும் கொள்ளை அடித்து சென்றனர். இந்தநிலையில் போலீசாரின் வாகன சோதனையின் போது, சந்தேகத்திற்குரிய விதத்தில் இருந்த மூன்று இளைஞர்களை மடக்கி விசாரணை செய்ததில், அவர்கள் அண்ணா நகரை கலக்கிய முகமூடி கும்பல் என்பது தெரியவந்தது. இதையடுத்து மூவரும் கைது செய்யப்பட்டனர்.அவர்களிடமிருந்து, 220 வெளிநாட்டு கரன்சி நோட்டுக்கள், பறிமுதல் செய்யப்பட்டது.