அகில இந்திய அளவிலான ஹாக்கி போட்டியில் பெங்களூர் அணி வெற்றி

கோவில்பட்டியில் அகில இந்திய அளவிலான ஹாக்கி போட்டியில் பெங்களூர் அணி வெற்றி பெற்றது.

தூத்துக்குடி மாவட்டம் கோவில்பட்டியில் கிருஷ்ணநகரில் உள்ள செயற்கை புல்வெளி ஹாக்கி மைதானத்தில் 11வது அகில இந்திய அளவிலான ஹாக்கி போட்டிகள் நடைபெற்றன. பகல் இரவு ஆட்டமாக மின்னொளியில் நடைபெற்ற போட்டியில் இந்தியா முழுவதிலும் இருந்து 16 அணிகள் பங்கேற்றன. முதல் போட்டியில் மும்பை யூனியன் வங்கி அணியுடன், சென்னை தெற்கு ரயில்வே அணி மோதியது. ஆட்ட நேர முடியும் வரை இரு அணிகளும் கோல் அடிக்காததால், போட்டி சமனில் முடிவடைந்தது. 2வது போட்டியில் பெங்களூர் ஹாக்கி அசோசியேஷன்ஸ், சென்னை சாய் அணி ஆகியவை மோதின. இதில், 1-0 என்ற கணக்கில் பெங்களூரு அணி வெற்றி பெற்றது. 3வது போட்டியில் சண்டிகர் சிஐஎஸ்எப் அணியுடன் பெங்களுரு கனரா வங்கி அணி மோதியது. இதில், 4-1 என்ற கோல் கணக்கில் பெங்களூர் கனராவங்கி அணி வெற்றி பெற்றது.