துபாயிலிருந்து கடத்திவரப்பட்ட ஈரான் குங்குமப் பூக்கள் பறிமுதல்

துபாயிலிருந்து சென்னை கடத்திவரப்பட்ட 60 லட்சம் மதிப்பிலான 31 கிலோ ஈரான் குங்குமப் பூக்களை விமான நிலையத்தில் சுங்கத்துறை இலாகா அதிகாரிகள் பறிமுதல் செய்துள்ளனர். துபாயிலிருந்து வந்த எமிரேட்ஸ் விமானத்தில் வந்த தஞ்சாவூரை சேர்ந்த சாகுல் ஹமீது என்ற பயணியிடம் சுங்கத்துறை அதிகாரிகள் நடத்திய சோதனையில் அவரிடம் குங்குமப் பூக்கள் இருந்தது கண்டுபிடிக்கப்பட்டது. இதனையடுத்து காவல் துறையினர் சாகுல் ஹமீதை கைது செய்து விசாரணை நடத்தி வருகின்றனர்.