பூட்டியிருந்த வீட்டை திறந்து 5 சவரன் நகையை கொள்ளையடித்த தனியார் பள்ளி ஆசிரியர்

வேலூர் மாவட்டம் ஆம்பூரை அடுத்துள்ள நரியம்பட்டு பகுதியில் பூட்டியிருந்த வீட்டில் நுழைந்து 5 சவரன் நகையை கொள்ளையடித்த தனியார் பள்ளி ஆசிரியர் கைது செய்யப்பட்டுள்ளார். இதே பகுதியை சேர்ந்த மோகன் என்பவர் தனது வீட்டை பூட்டிவிட்டு வெளியில் சென்றுள்ளார். அப்போது அங்கு வந்த தனியார் பள்ளி ஆசிரியர் ரஜினிஷ் பூட்டியிருந்த வீட்டை திறந்து பீரோவில் இருந்த 5 சவரன் நகையை திருடி சென்றுள்ளார். இதுகுறித்து காவல் நிலையத்தில் புகார் அளிக்கப்பட்டது.காவல் துறையினர் ரஜினிஷை கைது செய்து விசாரணை நடத்தி வருகின்றனர்.