12 மாநிலங்களில் நாளை மக்களவை தேர்தலுக்கான வாக்குப்பதிவு நடைபெறுவதையொட்டி, பாதுகாப்பு பலப்படுத்தப்பட்டுள்ளது.
கடந்த 11ஆம் தேதி முதல்கட்டமாக, ஆந்திரா, அருணாசலப்பிரதேசம் உள்ளிட்ட பல்வேறு மாநிலங்களில் 91 மக்களவைத் தொகுதிகளுக்கு வாக்குப்பதிவு நடைபெற்றது. இந்நிலையில் இரண்டாம் கட்ட வாக்குப்பதிவு, தமிழகம் உட்பட 12 மாநிலங்களில் நாளை நடைபெறுகிறது.
தமிழ்நாட்டில் உள்ள 38 மக்களவை தொகுதிகள், கர்நாடகத்தில் 14 தொகுதிகள், மகாராஷ்டிரத்தில் 10 தொகுதிகள், உத்தரப்பிரதேசத்தில் 8 தொகுதிகள், அஸ்ஸாம், பீகார், ஒடிசா மாநிலங்களில் தலா 5 தொகுதிகளிலும் தேர்தல் நடைபெறுகிறது. நாளை 7 மணிக்கு துவங்கும் வாக்குப்பதிவு மாலை 6 மணிக்கு நிறைவுபெறும்.
வாக்குப்பதிவை ஒட்டி, பாதுகாப்பு பலப்படுத்தப்பட்டுள்ளது. மத்திய தொழில்துறை பாதுகாப்பு வீரர்களும், துணை ராணுவப் படையினரும், மாநில காவல்துறையினரும் தேர்தல் பாதுகாப்புப் பணியில் ஈடுபடுத்தப்பட்டுள்ளனர்.
Discussion about this post