இந்திய அளவில் நடைபெற்ற ஐஏஎஸ் தேர்வில் வெற்றி பெற்ற திண்டுக்கல் மாணவி

இந்திய அளவில் நடைபெற்ற ஐஏஎஸ் தேர்வில் வெற்றி பெற்று திண்டுக்கல் மாவட்டம் கரிக்காரன் புதூர் பகுதியை சேர்ந்த மாணவி சாதனை படைத்துள்ளார்.

திண்டுக்கல் மாவட்டம் பழனி அருகே பெரியம்மாபட்டி ஊராட்சி கரிக்காரன் புதூரை சேர்ந்தவர் சௌந்தரபாண்டியன். இவரது மகள் தமிழ் ஓவியா, 2018ம் ஆண்டு நடைபெற்ற யுபிஎஸ்சி தேர்வில் முதல்நிலை தேர்வு மற்றும் மெயின் தேர்வில் வெற்றி பெற்றார். இதனைத் தொடர்ந்து கடந்த பிப்ரவரியில் நடந்த நேர்முகத் தேர்வில் கலந்துகொண்ட தமிழ் ஓவியா, இந்திய அளவில் 345 ஆவது இடம் பிடித்துள்ளார். குரூப்-2 தேர்வில் வெற்றிபெற்ற மாணவி தமிழ் ஓவியா, மாவட்ட கல்வி அலுவலர் அலுவலகத்தில் பணிபுரிந்து வருகிறார். விடாமுயற்சி,தன்னம்பிக்கையுடன் படித்தால் ஐஏஎஸ் தேர்வில் யார் வேண்டுமானாலும் வெற்றி பெற்று சாதிக்கலாம் என்று தமிழ் ஓவியா தெரிவித்துள்ளார்.