தமிழ் சினிமா முன்னணி நடிகர் ராகவா லாரன்ஸ் நடித்து வரும் காஞ்சனா-3 திரைப்படத்தின் ரிலீஸ் தேதி அறிவிக்கப்பட்டுள்ளது.
தமிழ் சினிமாவில் பேய் படங்களுக்கு முக்கியத்துவம் கொடுத்த படம் முனி. திரைப்படத்தை இயக்கிய ராகவா லாரன்ஸ், கதாநாயகனாவும் நடித்திருந்தார். முக்கிய கதாபாத்திரத்தில் நடிகர் ராஜ்கிரன் நடித்திருந்தார். முனி திரைப்படத்தின் வெற்றியை தொடர்ந்து அதன் இரண்டாம் பாகமாக காஞ்சனா வெளியானது. இத்திரைப்படத்தில் கதாநாயகியாக ராய் லட்சுமியும், திருநங்கை வேடத்தில் சரத்குமாரும் நடித்து இருந்தனர்.
என்ன தான் பேய் படமாக இருந்தாலும் காமெடிக்கு முக்கியவத்துவம் கொடுக்கப்பட்டதால் அதிகளவு மக்கள் விரும்பி பார்த்தனர். இதன் பிறகே பேய் படங்களுக்கான மவுசு அதிகரிக்க தொடங்கியது. யாரும் எதிர்பாராத வகையில் காஞ்சனா மிகப்பெரிய வெற்றி பெற்றதால் அடுத்தடுத்த பாகத்தை ராகவா லாரன்ஸ் இயக்க தொடங்கினார்.
இந்நிலையில், காஞ்சனா-3 படத்தின் காட்சிகள் நிறைவு பெற்ற நிலையில், வருகிற 28 ஆம் தேதி ட்ரெய்லர் வெளியிடப்படும் என்று படத்தை தயாரித்து வரும் சன்பிக்சர்ஸ் அறிவித்துள்ளது. இப்படத்தில் நடிகை ஓவியா மற்றும் வேதிகா முக்கிய கதா பாத்திரங்களில் நடிக்கின்றனர். கோவை சரளா, சூரி, யோகி பாபு ஆயோரும் நடித்து உள்ளனர்.
Discussion about this post