HIV பாதித்த குழந்தைகளுக்காக நிதி திரட்டும் வகையில் மாரத்தான்

எச்.ஐ.வி. நோயால் பாதிக்கப்பட்ட குழந்தைகளின் வாழ்வாதாரம் மற்றும் படிப்புக்காக நிதி திரட்டும் வகையில் சென்னையில் மாரத்தான் போட்டி நடைபெற்றது.

சென்னை பெசன்ட் நகரில் தனியார் தொண்டு நிறுவனம் சார்பில் நடைபெற்ற இந்த மாரத்தான் போட்டியில், சிறியவர்கள், பெரியவர்கள் என 4 ஆயிரத்திற்கும் மேற்பட்டவர்கள் கலந்து கொண்டு ஓடினர். 21 கிலோ மீட்டர், 10 கிலோ மீட்டர், 5 கிலோ மீட்டர், 2 கிலோ மீட்டர் என நான்கு பிரிவுகளாக நடைபெற்ற இந்த மாரத்தான் போட்டியில், எச்.ஐ.வி. நோயால் பாதிக்கப்பட்ட குழந்தைகளுக்கு, தனியார் தொண்டு நிறுவனங்களிடம் நிதி திரட்டப்பட்டது.