கோவில்பட்டி அருகே தனியார் பள்ளி பேருந்து தடுப்பு சுவரின் மீது மோதிய விபத்தில், 30க்கும் மேற்பட்ட மாணவர்கள் காயமடைந்தனர்.
தூத்துக்குடி மாவட்டம் கோவில்பட்டி அடுத்த வானமுரட்டியில் தனியார் பள்ளி செயல்பட்டு வருகிறது. இப்பள்ளியின் பேருந்து மாணவர்களை ஏற்றிக் கொண்டு சென்று கொண்டிருந்தது. குமரெட்டியபுரம் அருகே சென்ற போது அருகேயுள்ள சுடுகாட்டு பகுதியின் சுவற்றில் எதிர்பாராதவிதமாக மோதி பேருந்து கீழே கவிழ்ந்து விபத்துக்குள்ளானது. மாணவர்களின் அலறல் சத்தம் கேட்டு அருகில் இருந்தவர்கள் மாணவர்களை மீட்டதுடன் போலீசாருக்கு தகவல் தெரிவித்தனர்.
காயமடைந்தவர்கள் அரசு மருத்துவமனையில் அனுமதிக்கப்பட்டனர். விபத்து தொடர்பாக காவல்துறையினர் விசாரணை மேற்கொண்டு வருகின்றனர்.
Discussion about this post