இந்தியா-ஆஸ்திரேலியா அணிகள் இடையே 2 வது ஒரு நாள் போட்டி

இந்தியா,ஆஸ்திரேலியா அணிகள் மோதும் 2 வது ஒரு நாள் போட்டி நாக்பூரில் இன்று நடைபெறுகிறது.

ஆரோன் ஃபின்ச் தலைமையிலான ஆஸ்திரேலியா கிரிக்கெட் அணி இந்தியாவில் சுற்றுப் பயணம் மேற்கொண்டுள்ளது. முதலில் நடந்த 2 போட்டிகள் கொண்ட இருபது ஓவர் கிரிக்கெட் தொடரை 2-0 என்ற கணக்கில் ஆஸ்திரேலியா முழுமையாக கைப்பற்றியது. அதை தொடர்ந்து ஹைதராபாத்தில் நடந்த முதலாவது ஒருநாள் போட்டியில், தோனி மற்றும் கேதார் ஜாதவின் அபார ஆட்டத்தால் இந்தியா 6 விக்கெட் வித்தியாசத்தில், வெற்றி பெற்று தொடரில் முன்னிலை வகிக்கிறது.

இந்நிலையில், இரு அணிகளுக்கும் இடையேயான 2 வது ஒரு நாள் போட்டி நாக்பூரில் இன்று நடக்கிறது. இருபது ஓவர் தொடரை பறி கொடுத்த இந்தியா ஒரு நாள் தொடரை முழுமையாக கைப்பற்ற தீவிரம் காட்டி வருகிறது. அதேபோல், முதல் போட்டியில் அடைந்த தோல்விக்கு பதிலடி கொடுக்கவும் ஆஸ்திரேலிய வீரர்கள் தீவிர பயிற்சியில் ஈடுபட்டுள்ளனர். ரசிகர்களிடையே மிகுந்த எதிர்பார்ப்பை ஏற்படுத்திய இப்போட்டி இன்று மதியம் 1.30 க்கு நடக்கிறது.