3 நாள் பயணமாக கோவை வந்த குடியரசு தலைவர் ராம்நாத் கோவிந்த்

மூன்று நாள் சுற்றுப் பயணமாக கோவை வந்திருக்கும் குடியரசுத் தலைவர் ராம்நாத் கோவிந்த் இன்று நடைபெறவுள்ள பல்வேறு நிகழ்ச்சிகளில் பங்கேற்கிறார்.

குடியரசுத் தலைவர் ராம்நாத் கோவிந்த் 3 நாள் பயணமாக தனி விமானம் மூலம் நேற்று கோவை வந்தார். விமான நிலையத்தில் அவரை, ஆளுநர் பன்வாரிலால் புரோகித், அமைச்சர் எஸ்.பி. வேலுமணி உள்ளிட்டோர் வரவேற்றனர். இந்நிலையில் இன்று காலை 8 மணிக்கு சூலூர் விமானப்படை தளத்தில் நடைபெறும் முப்படை வீரர்களுக்கு விருது வழங்கும் விழாவில் கலந்துகொள்ளும் குடியரசு தலைவர், மாலை ஈஷா யோகா மையத்தில் நடைபெறும் மகா சிவராத்திரி விழாவில் பங்கேற்கிறார். ராம்நாத் கோவிந்தின் வருகையை ஒட்டி கோவையில் பலத்த போலீஸ் பாதுகாப்பு போடப்பட்டுள்ளது.