அதிமுக கூட்டணியில் புதுச்சேரி தொகுதி என்.ஆர் காங்கிரசுக்கு ஒதுக்கீடு செய்யப்பட்டு ஒப்பந்தம் கையெழுத்தானது.
நாடாளுமன்ற தேர்தலை முன்னிட்டு அதிமுக கூட்டணி கட்சிகளுக்கு தொகுதிகள் ஒதுக்கப்பட்டு வருகின்றன. இந்த நிலையில் சென்னை அதிமுக அலுவலகத்திற்கு புதுச்சேரி முன்னாள் முதலமைச்சரும் என்.ஆர்.காங்கிரஸ் தலைவருமான ரங்கசாமி இன்று வருகை தந்தார். அதிமுக ஒருங்கிணைப்பாளரும் துணை முதல்வருமான ஓ.பன்னீர்செல்வம், இணை ஒருங்கிணைப்பாளரும் தமிழக முதல்வருமான எடப்பாடி பழனிசாமி ஆகியோருக்கு அவர்,பொன்னாடை போர்த்தி வாழ்த்து தெரிவித்தார். பின்னர் அதிமுக – புதுச்சேரி என்.ஆர் காங்கிரஸ் கட்சிகளிடையே ஒப்பந்தம் கையெழுத்தானது. அதன்படி புதுச்சேரி தொகுதி என்.ஆர் காங்கிரஸ் கட்சிக்கு ஒதுக்கப்பட்டுள்ளது. இதனையடுத்து செய்தியாளர்களை சந்தித்த என்.ஆர்.காங்கிரஸ் தலைவர் ரங்கசாமி, அதிமுக தலைமையிலான கூட்டணி வெற்றி கூட்டணி என்றும் 40 தொகுதிகளிலும் அதிமுக கூட்டணி வெல்லும் என்றும் தெரிவித்தார்
Discussion about this post