விஜயகாந்தை சந்தித்து உடல்நலம் விசாரித்தார் பியூஷ் கோயல்

தேமுதிக பொதுச்செயலாளர் விஜயகாந்தை, மத்திய அமைச்சர் பியூஷ் கோயல் சந்தித்து உடல்நலம் விசாரித்தார். சென்னை சாலிகிராமில் உள்ள விஜயகாந்த் இல்லத்திற்கு சென்ற பியூஷ் கோயலுக்கு, விஜயகாந்த் பொன்னாடை போர்த்தினார். பின்னர் உடல்நலம் குறித்து விஜயகாந்திடம் விசாரித்தார். இதனைத் தொடர்ந்து செய்தியாளர்களிடம் பேசிய அவர், விஜயகாந்த், விரைந்து உடல்நலம் பெற, பிரதமர் மோடி, பா.ஜ.க. தலைவர் அமித்ஷா சார்பில் வாழ்த்துக்களை தெரிவித்துக் கொள்வதாகவும், மரியாதை நிமித்தமாக விஜயகாந்தை சந்தித்ததாகவும் தெரிவித்தார்.