சுபாஷ் சந்திர போசின் அருங்காட்சியகத்தை பிரதமர் துவக்கி வைத்தார்

டெல்லி செங்கோட்டையில் நேதாஜி சுபாஷ் சந்திர போசின் அருங்காட்சியகத்தை பிரதமர் மோடி துவக்கி வைத்தார். சுதந்திர போராட்ட வீரர் நேதாஜி சுபாஷ்சந்திர போசின் 122வது பிறந்தநாள் இன்று கொண்டாடப்பட்டு வருகிறது. இதையொட்டி டெல்லி செங்கோட்டையில் அவரது அருங்காட்சியகத்தை பிரதமர் மோடி துவக்கி வைத்து பார்வையிட்டார். நேதாஜியின் குழந்தை பருவம் துவங்கி, அவரது வாழ்க்கையின் பல்வேறு காலகட்டத்தை விளக்கும் வகையில் கட்டப்பட்டுள்ள இந்த அருங்காட்சியகம் தொல்லியல் துறை கட்டுப்பாட்டில் செயல்பட உள்ளது.

ஆசாத் கி தீவானே என பெயரிடப்பட்டுள்ள இந்த அருங்காட்சியகத்தில் சுதந்திர போராட்ட காலத்தை விளக்கும் ஓவியங்கள், அரியவகை புகைப்படங்களும் இடம்பெற்றுள்ளன.