உலக குத்து சண்டை தர வரிசை பட்டியலில் இந்திய வீராங்கனை முதலிடம்

உலக குத்து சண்டை தர வரிசை பட்டியலில் இந்திய வீராங்கனை மேரி கோம் முதலிடம் பிடித்துள்ளார்.

உலக குத்து சண்டை வீராங்கனைகளுக்கான தர வரிசை பட்டியலை சர்வதேச குத்து சண்டை கூட்டமைப்பு வெளியிட்டுள்ளது. இதில் இந்தியாவின் பிரபல குத்து சண்டை வீராங்கனையும் மணிப்பூரை சேர்ந்தவருமான மேரி கோம் முதலிடத்தை பிடித்துள்ளார். மேரி கோம் கடந்த 2001ம் ஆண்டு நடந்த உலக சாம்பியன்ஷிப் போட்டியில் முதன்முறையாக வெள்ளி பதக்கம் வென்றார். உலக சாம்பியன்ஷிப் போட்டியில் தொடர்ந்து 6 முறை தங்கம் வென்ற வீராங்கனை என்ற பெருமையை பெற்றுள்ளார். இந்த நிலையில், உலக குத்து சண்டை வீராங்கனைகனைகளுக்கான தரவரிசை பட்டியலில், ஆயிரத்து 700 புள்ளிகள் பெற்று முதல் இடத்தினை மேரி கோம் பிடித்துள்ளார். இதனையடுத்து அவருக்கு பலரும் வாழ்த்துகளை தெரிவித்து வருகின்றனர்.