தமிழகத்தில் 38 மக்களவை தொகுதிகளுக்கு நடைபெற்ற தேர்தலில் 70.90 சதவீத வாக்குகள் பதிவானதாக தேர்தல் ஆணையம் தெரிவித்துள்ளது.
தமிழகத்தில் மொத்தம் உள்ள 39 மக்களவைத் தொகுதிகளில், வேலூரை தவிர்த்து 38 தொகுதிகளுக்கு தேர்தல் நடைபெற்றது. இதில் நேற்றைய நிலவரப்படி 70.90 சதவீத வாக்குகள் பதிவாகியுள்ளதாகவும், அதிகபட்சமாக அதிகபட்சமாக நாமக்கல்லில் 78 சதவீத வாக்குகளும், மத்திய சென்னையில் குறைந்தபட்சமாக 57.05 சதவீத வாக்குகளும் பதிவானதாக தெரிவிக்கப்பட்டுள்ளது.
18 தொகுதிகளுக்கு நடைபெற்ற இடைத்தேர்தலில் 71.62 சதவீத வாக்குகள் பதிவாகியுள்ளன. அதிகபட்சமாக அரூரில் 86.96 சதவீதமும், குறைந்த பட்சமாக சாத்தூரில் 60.87 வாக்குகளும் பதிவாகியுள்ளதாக தேர்தல் ஆணையம் தெரிவித்துள்ளது.