ஜம்மு காஷ்மீரில் 6 பயங்கரவாதிகள் சுட்டுக்கொலை

ஜம்மு காஷ்மீரின் இருவேறு இடங்களில் பயங்கரவாதிகளுக்கும் பாதுகாப்பு படையினருக்கும் இடையே நடைபெற்ற துப்பாக்கிச் சூட்டில் 6 பயங்கரவாதிகள் சுட்டுக் கொல்லப்பட்டனர்.

காஷ்மீரின் புல்வாமா மாவட்டத்திற்கு உட்பட்ட டெலிபோரா பகுதியில் பயங்கரவாதிகள் பதுங்கி இருப்பதாக பாதுகாப்பு படையினருக்கு தகவல் கிடைத்தது. இதையடுத்து அப்பகுதியில் பாதுகாப்பு படையினர் தீவிர தேடுதல் வேட்டையில் ஈடுபட்டனர். அப்போது ஒரு வீட்டில் பதுங்கியிருந்த பயங்கரவாதிகள் பாதுகாப்பு படையினரை நோக்கி சரமாரியாக சுட்டனர்.

இந்தத் தாக்குதலில் ஒரு ராணுவ வீரரும், பொதுமக்களில் ஒருவரும் உயிரிழந்தனர். இதையடுத்து பாதுகாப்பு படையினர் நடத்திய எதிர்த்தாக்குதலில் 3 பயங்கரவாதிகள் சுட்டுக் கொல்லப்பட்டனர். இவர்கள் ஜெய்ஷ் இ முகமது அமைப்பைச் சேர்ந்தவர்கள் என்று தகவல் வெளியாகியுள்ளது.

இதேபோல் சோபியான் மாவட்டத்தில் பயங்கரவாதிகளுடன் நடைபெற்ற மற்றொரு துப்பாக்கிச் சண்டையில் 3 பேர் சுட்டுக் கொல்லப்பட்டனர். நேற்று மட்டும் 6 பயங்கரவாதிகள் பாதுகாப்பு படையினரால் சுட்டுக் கொல்லப்பட்டுள்ளனர் என்பது குறிப்பிடத்தக்கது.