ஆந்திராவில் இருந்து சிலிக்கா மணல் கடத்தி வந்த 2 லாரிகளை பறிமுதல் செய்த காவல்துறையினர், ஓட்டுநர் உட்பட 6 பேரை கைது செய்தனர்.
சென்னை தண்டையார்பேட்டை நெடுஞ்சாலையில் கொடுங்கையூர் போலீசார் வாகன சோதனையில் ஈடுபட்டிருந்தனர். அப்போது சந்தேகத்திற்கிடமான வகையில் வந்த 2 லாரிகளை மடக்கி, ஓட்டுனர்களிடம் விசாரணை செய்தனர். லாரி மீது இருந்த தார்பாயை அகற்றி சோதனை செய்தபோது அதில் தமிழக அரசால் தடைசெய்யபட்ட 75 டன் சிலிக்கா மணல் இருப்பது தெரியவந்தது. இதுதொடர்பாக 6 பேரை கைது செய்த காவல்துறையினர், வேறு யாராவது சம்பந்தபட்டுள்ளார்களா? என்பது குறித்து விசாரணை நடத்தி வருகின்றனர்.