புதிய 20 ரூபாய் நோட்டுக்களை வெளியிட உள்ளதாக ரிசர்வ் வங்கி சார்பில் தெரிவிக்கப்பட்டுள்ளது. பணமதிப்பிழப்பு நடவடிக்கைக்கு பிறகு, புதிய இரண்டாயிரம், 500, 100, 50, 10 ரூபாய் நோட்டுகளை ரிசர்வ் வங்கி வெளியிட்டது. அந்த வரிசையில், தற்போது புதிய 20 ரூபாய் நோட்டுகள் வெளியிடப்பட உள்ளன.
இதற்கான மாதிரி ரூபாய் நோட்டுகளை ரிசர்வ் வங்கி வெளியிட்டுள்ளது. புதிய 20 ரூபாய் நோட்டு பச்சை, மஞ்சள் நிறம் கலந்து காணப்படும். அதில் மகாத்மா காந்தி படமும், ரிசர்வ் வங்கி கவர்னர் கையெழுத்தும் இடம்பெறும்.
நோட்டின் மறுபக்கம் நாட்டின் கலாச்சார பாரம்பரியத்தை குறிக்கும் வகையில் எல்லோரா குகைக்கோவில் தோற்றம் இடம்பெறுகிறது. புதிய 20 ரூபாய் நோட்டுகள் வந்தாலும், ஏற்கனவே புழக்கத்தில் உள்ள பழைய 20 ரூபாய் நோட்டுகளும் செல்லும் என்று ரிசர்வ் வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
Discussion about this post