ஏழைத் தொழிலாளர்களுக்கு 2 ஆயிரம் ரூபாய் நிதி திட்டம் இன்று தொடக்கம்

ஏழைத் தொழிலாளர்களுக்கு 2 ஆயிரம் ரூபாய் சிறப்பு நிதி வழங்கும் திட்டத்தை முதலமைச்சர் எடப்பாடி பழனிசாமி இன்று தொடங்கி வைக்கிறார்.

வறுமைக் கோட்டுக்குக் கீழ் உள்ள ஏழைகளுக்கு குறிப்பாக விவசாயத் தொழிலாளர்கள் மற்றும் பல்வேறு தொழில்களில் ஈடுபட்டுள்ள ஏழைத் தொழிலாளர் குடும்பங்களுக்கான ஒருமுறை சிறப்பு நிதியுதவியாக 2 ஆயிரம் ரூபாய் வழங்கப்படும் என முதலமைச்சர் பழனிசாமி அறிவித்தார். நிதியுதவியை அளிப்பதற்கான கணக்கெடுப்புப் பணிகள் தீவிரமாக நடைபெற்றது. மாநகராட்சி, நகராட்சி, பேரூராட்சி, ஊராட்சி வாரியாக கணக்கெடுப்பு நடைபெற்று விவரங்கள் சேகரிக்கப்பட்டுள்ளன. இந்த திட்டத்தை முதலமைச்சர் எடப்பாடி பழனிசாமி இன்று தொடங்கி வைக்கிறார்.