பேரறிஞர் அண்ணாவின் 111-வது பிறந்தநாளை முன்னிட்டு, காஞ்சிபுரத்தில் உள்ள அண்ணாவின் நினைவு இல்லத்தில் உள்ள திருவுருவச் சிலைக்கு அமைச்சர் பெஞ்சமின் மாலை அணிவித்து மரியாதை செலுத்தினார்.
அண்ணாவின் 111-வது பிறந்த நாள் விழா அதிமுக சார்பில் தமிழகம் முழுவதும் சிறப்பாக கொண்டாடப்பட்டு வருகிறது. அந்த வகையில் காஞ்சிபுரத்தில் உள்ள அண்ணாவின் சிலைக்கு அதிமுக மாவட்ட செயலாளர் வாலாஜாபாத் கணேசன் மாலை அணிவித்து மரியாதை செலுத்தினார். பின்னர் அங்கிருந்து அதிமுக நிர்வாகிகள் ஊர்வலமாக அண்ணாவின் நினைவு வீட்டிற்கு சென்றனர். அங்கு தமிழக அரசு சார்பில் அமைச்சர் பெஞ்சமின், மாவட்ட ஆட்சியர் பொன்னையா ஆகியோர் அண்ணாவின் சிலைக்கு மாலை அணிவித்து மரியாதை செலுத்தினர். நிகழ்ச்சியில் அதிமுக நிர்வாகிகள், தொண்டர்கள் மற்றும் பொதுமக்கள் பலர் கலந்து கொண்டனர்.
Discussion about this post