பாஜக.வின் முடிவில் மாற்றம்

2019ஆம் ஆண்டு நாடாளுமன்றத்திற்கு தேர்தல் நடைபெற உள்ள நிலையில், ஒரே நாடு; ஒரே தேர்தல் திட்டத்தை செயல்படுத்த பாஜக அரசு தீவிரம் காட்டியது. நாடாளுமன்றத்துக்கும், சட்டமன்றங்களுக்கும் தனித்தனியாக தேர்தல் நடத்தப்படுவதால், அரசு பணம் பல ஆயிரம் கோடி ரூபாய் வீணாகிறது என்றும் மத்திய அரசு கூறி வந்தது. அதன்படி, நாடாளுமன்றத்திற்கு முன்கூட்டியே தேர்தல் நடத்தவும், பாஜக திட்டமிட்டு இருப்பதாக தகவல் வெளியானது. ஒரே நாடு; ஒரே தேர்தல் திட்டத்திற்கு அனைத்து எதிர்க்கட்சிகளும் கடும் எதிர்ப்பு தெரிவித்துள்ளதால், அட்டவணைப்படி நாடாளுமன்ற தேர்தலை எதிர்கொள்ள பாஜக முடிவு செய்துள்ளது. இதை மத்திய அமைச்சர் ராஜ்நாத் சிங்கும் உறுதிப்படுத்தி உள்ளார்