காஷ்மீரில் பயங்கரவாதிகள் 3 பேர் சுட்டுக்கொலை

ஜம்மு காஷ்மீர் பகுதியில் நடந்த துப்பாக்கி சண்டையில் 3 பயங்கரவாதிகளை ராணுவம் சுட்டு வீழ்த்தியது.

ஜம்மு காஷ்மீரில் உள்ள அனந்த்நாக் மாவட்டத்தில் தூரு சாகாபாத் பகுதியில் பயங்கரவாதிகளின் நடமாட்டம் இருப்பதாக ரகசியத் தகவல் கிடைத்தது. இதனையடுத்து, அந்தப் பகுதிக்கு பாதுகாப்பு படையினர் விரைந்து சென்று தேடுதல் வேட்டையில் ஈடுபட்டனர்.

அப்போது சம்பவ இடத்தில் இருந்த 2 பயங்கரவாதிகள் துப்பாக்கியால் சுட்டதில், ராணுவ வீரர்கள் 3 பேர்கள் காயமடைந்தனர். மருத்துவமனைக்குக் கொண்டு செல்லப்பட்ட அவர்களில் ராணுவ ஒரு வீரர் மருத்துவமனையிலே உயிரிழந்தார். இந்நிலையில், பாதுகாப்பு படைகள் நடத்திய பதிலடி தாக்குதலில் பயங்கரவாதி ஒருவர் கொல்லப்பட்டார். அதேபோல், புட்காம் மாவட்டம் பான்சான் கிராமத்தில் பதுங்கியிருந்த பயங்கரவாதிகளை ராணுவம் சுற்றிவளைத்தபோது துப்பாக்கி சண்டையில் பயங்கரவாதிகள் 2 பேர் உயிரிழந்தனர்.