சென்னை மந்தைவெளி பஸ் டிப்போ அருகே 30 வயது மதிக்க தக்க வாலிபர் ஒருவர், நேற்றிரவு ஓட ஓட வெட்டி கொலை செய்யப்பட்டார்.
தகவறிந்து சம்பவ இடத்துக்கு வந்த திருவல்லிக்கேணி இணை ஆணையர் செல்வ நாக ரத்தினம் மற்றும் காவல் துறையினர், சம்பவ இடத்திற்கு அருகில் உள்ள கண்காணிப்பு கேமராக்களை பார்வையிட்டதோடு அருகிலுள்ள பெட்ரோல் பங்கில் இருந்த ஊழியர்களிடமும் விசாரணை மேற்கொண்டனர்.
இதனை தொடர்ந்து நடைபெற்ற விசாரணையில், கொலை செய்யப்பட்ட நபர் சிவா என்பதும் அவரது தந்தை பெயர் ஆனந்தன் என்பதும் தெரிய வந்தது.
கோடம்பாக்கத்தில் வசித்து வந்த சிவா மீது ஏற்கனவே குற்ற வழக்குகள் உள்ளன. மேலும் இச்சம்பவம் குறித்து பட்டினபாக்கம் காவல்துறையினர் தீவிர விசாரணை மேற்கொண்டு வருகின்றனர்.
கொலை செய்யப்பட்ட சிவாவின் உடல் பிரேத பிரேதபரிசோதனைக்காக, ராயப்பேட்டை மருத்துவமனைக்கு கொண்டு செல்லப்பட்டது.
முன் விரோதம் காரணமாக கொலை நடைபெற்றிருக்கலாம் என்ற கோணத்தில் விசாரணை மேற்கொண்டுள்ள காவல்துறையினர், குற்றவாளிகளை தீவிரமாக தேடி வருகின்றனர்.