2020 ஆம் ஆண்டு நடைபெற உள்ள ஒலிம்பிக் போட்டிகளில் விளையாட மல்யுத்த வீராங்கனை வினேஷ் போகத் தகுதியாகியுள்ளார்.
கஜகஸ்தான் நாட்டில் நடந்து வரும் உலக மல்யுத்த சாம்பியன்ஷிப் போட்டிகளில் இந்திய வீராங்கனை வினேஷ் போகத், உக்ரைன் நாட்டின் யூலியா கால்வாட்ஜை 5-0 என்ற புள்ளி கணக்கில் வீழ்த்தினார். இதனை தொடர்ந்து நடந்த மற்றொரு போட்டியில், உலக சாம்பியன்ஷிப் போட்டியில் வெள்ளி பதக்கம் வென்றவரான அமெரிக்காவின் சாரா ஹில்டெப்ராண்ட் என்பவரை 8-2 என்ற புள்ளி கணக்கில் அவர் வீழ்த்தி வெற்றி பெற்றார். இதன் மூலம் 2020ம் ஆண்டு டோக்கியோவில் நடைபெறவுள்ள ஒலிம்பிக் போட்டிகளில் விளையாட வினேஷ் போகத் தகுதி பெற்றுள்ளார்.