போனி கபூர் தயாரிப்பில் ஹெச்.வினோத் இயக்கத்தில் ‘வலிமை ‘படத்தில் அஜித்குமார் நடித்து வருகிறார்.இது அஜித்தின் 60வது படம் என்பதால் ரசிகர்களுக்கு படத்தின் மீதான எதிர்பார்ப்பு அதிகரித்துள்ளது.
இந்த படத்தின் முதற்கட்ட படப்பிடிப்பு ஹைதராபத்தில் இருக்கும் ராமோஜி பிலிம் சிட்டியில் நடைபெற்றது.முதற்கட்ட படப்பிடிப்பை முடித்த படக்குழுவினர் சென்னை திரும்பியுள்ளனர்.தற்போது இரண்டாம் கட்ட படிப்பிடிப்பு ரேகா கார்டன் என்ற இடத்தில் 3 நாள் நடைபெற உள்ளது.இதில் படத்தின் முக்கிய காட்சிகள் படமாக்கப்பட உள்ளன.
இதனை தொடர்ந்து, சென்னையில் உள்ள ஸ்டுடியோவில் படப்பிடிப்பை நடத்த உள்ளதாக படக்குழுவினர் திட்டமிட்டுள்ளனர்.மேலும்,இந்த படத்தில் அஜித் காவல்துறை அதிகாரியாக நடிக்கிறார் என்பது குறிப்பிடத்தக்கது.