பெண் தர மறுத்த தாயிடம் பெண்ணின் வீட்டிற்குள் புகுந்து தாக்கி மானபங்கம் செய்த 9 பேர் கொண்ட கும்பலில் 7 பேரை போலீசார் கைது செய்து இருவரை தேடி வருகின்றனர்.
சேலம் மாவட்டம் வாழப்பாடி அடுத்த குறிச்சி அணைமேடு பகுதியில் வசித்து வருபவர்கள் சந்திரன்,முல்லைக்கொடி தம்பதியினர். இவர்களுக்கு 3 மகள்கள் உள்ள நிலையில், இங்குள்ள எருமாபாளையம் பகுதியிலுள்ள சிவா என்பவர், இவர்களது மூத்த மகளை பெண் கேட்டுள்ளார். அவர்கள் மறுத்துவந்த நிலையில், வேறொருவருக்கு சம்மந்தம் பேசி இருந்தனர். இதனால் 9 பேர் கொண்ட கும்பல் பெண்ணின் தாயிடம் கத்தியை காட்டி மிரட்டி, உடையை கிழித்து மானபங்கம் செய்துள்ளனர். இதுகுறித்து தகவலறிந்து வந்த காவல் துறையினர் தமிழன்,கணேசன், சதீஸ்,வல்லரசு, தினேஷ்,ராஜா மற்றும் மாதர்அலி ஆகியோரை கைது செய்தனர். தப்பியோடிய இருவரை தேடி வருகின்றனர்