விருதுநகரில் 14 வயதுக்குட்பட்ட மாணவ, மாணவிகளுக்கு மாநில அளவில் நடைபெறும் நீச்சல் போட்டிக்கான தகுதிச்சுற்று போட்டி நடைபெற்றது.
தமிழ்நாடு விளையாட்டு மேம்பாட்டு ஆணையம் சார்பில் திறன் கண்டறியும் முகாம் நடைபெற்று வருகிறது. இதன் மூலம் பல்வேறு வீரர், வீரங்கனைகளின் திறமைகளை வெளிக்கொண்டு வருகிறது. இதன் ஒரு பகுதியாக விருதுநகரில் நடைபெற்ற நீச்சல் போட்டிக்கான தகுதி சுற்றி நடைபெற்றது.
இதில் மாவட்டம் முழுவதிலும் இருந்து 50க்கும் மேற்பட்ட 14 வயதுக்குட்பட்ட பள்ளி மாணவ, மாணவிகள் போட்டியில் கலந்து கொண்டு தங்களது திறமையை வெளிப்படுத்தினர். மேலும் சிறப்பாக விளையாடும் மாணவ-மாணவிகள் மாவட்ட மற்றும் மாநில அளவிலான போட்டிகளுக்கு தேர்வு செய்யப்படுவதாக விளையாட்டு மேம்பாட்டு ஆணையம் தெரிவித்துள்ளது.