கோவை மாவட்டம் சூலூர் தொகுதி எம்.எல்.ஏ.கனகராஜ் மாரடைப்பால் காலமானார்.
கோவை மாவட்ட சுல்தான்பேட்டை அடுத்த வதம்பசேரியில் தோட்டத்து வீட்டில் செய்தித்தாள் படித்துக்கொண்டிருந்தபோது, திடீரென நெஞ்சுவலி ஏற்பட்டு கனகராஜ் கீழே மயங்கி விழுந்ததாக கூறப்படுகிறது. இதையடுத்து, மருத்துவமனைக்கு கொண்டு செல்லப்பட்ட கனகராஜ், முன்னதாகவே இறந்துவிட்டதாக மருத்துவர்கள் தெரிவித்தனர்.
எம்.எல்.ஏ. கனகராஜ், உயிரிழந்தது அதிமுக வட்டாரத்தில் அதிர்ச்சியை ஏற்படுத்தியுள்ளது. எம்ஜிஆர் காலத்தில் இருந்தே கட்சியில் செயல்பட்டு வந்த கனகராஜ், சூலூர் தொகுதியில் பலமுறை நின்று வெற்றி பெற்றுள்ளார். அடிக்கடி பரபரப்பான கருத்துக்களை தெரிவிக்கக்கூடிய கனகராஜ், நாடாளுமன்ற தேர்தல் பணிகளில் கடந்த சில நாட்களாக ஈடுபட்டிருந்தார் என்பது குறிப்பிடத்தக்கது.