இந்திய கிரிக்கெட் வீரர் ரவீந்திர ஜடேஜா உட்பட 19 விளையாட்டு வீரர்களின் பெயர்கள் அர்ஜூனா விருதிற்கு பரிந்துரை செய்யப்பட்டுள்ளது.
விளையாட்டு துறையில் சிறந்து விளங்கும் வீரர்களுக்கு வழங்கப்படும் உயரிய விருதான அர்ஜூனா விருதிற்கு, 19 விளையாட்டு வீரர்களின் பெயர்கள் பரிந்துரை செய்யப்பட்டுள்ளது. உலகக் கோப்பை கிரிக்கெட் போட்டியில் சிறப்பான பங்களிப்பை அளித்த ரவீந்திர ஜடேஜா, பெண்கள் கிரிக்கெட் அணியின் பூனம் யாதவ், கால்பந்து வீரர் குர்ப்ரீத் சிங் உட்பட, 19 வீரர்களின் பெயர்களை தேர்வுக் குழு பரிந்துரை செய்துள்ளது.
பாரா ஒலிம்பிக்கில் வெள்ளிப் பதக்கம் வென்ற தீபா மாலிக்கிற்கு, விளையாட்டு துறையின் மிக உயரிய விருதான கேல் ரத்னா விருதும் பரிந்துரை செய்யப்பட்டுள்ளது. துரோணாச்சாரியார் விருதுக்கு, முன்னாள் பேட்மிட்டன் வீரர் விமல் குமார் உட்பட மூன்று பேரின் பெயர் பரிந்துரை செய்யப்பட்டுள்ளது.