அரசு ஊழியர் பொது இடமாறுதல் நிறுத்திவைப்பு – பணியாளர் துறைச் செயலாளர் சுற்றறிக்கை

அரசுப் பணியிடங்களில் பொது இடமாறுதலைத் தற்காலிகமாக நிறுத்திவைக்க பணியாளர் நலன் மற்று நிர்வாக சீர்திருத்தத்துறை உத்தரவிட்டுள்ளது.

இதுகுறித்து, அனைத்துத் துறைகளுக்கும், பணியாளர் நிர்வாக சீர்திருத்தத்துறை செயலாளர் எஸ்.சுவர்ணா சுற்றறிக்கை அனுப்பியுள்ளார். அதில், நடப்பாண்டில்(2020-2021) இடமாறுதல் கோரியுள்ளவர்களுக்கு மட்டும் மாறுதல் வழங்க அனுமதி அளிக்கப்பட்டுள்ளது.

நிர்வாக ரீதியான இடமாறுதலும், பரஸ்பர இடமாறுதலும் அனுமதிக்கப்படுகிறது.

கொரோனா தொற்றால் அரசுக்கு வருவாய் இழப்பு ஏற்பட்டுள்ளதால், இடம் மாறுதல் பயணப்படி செலவினங்களைக் குறைக்கும் வகையில் இந்த உத்தரவு பிறப்பிக்கப்பட்டுள்ளதாகத் தெரிவிக்கப்பட்டுள்ளது.