அண்மையில் அதிரிபுதிரி ட்ரெண்டான “ப்ரே ஃபார் நேசமணி” இப்போது ஆண்ட்ராய்டு கேம் வடிவில் அடுத்த அவதாரம் எடுத்துள்ளது.
கிச்சுண மூர்த்தியின் சுத்தியல் பட்டு சுத்தி விழுந்த நேசமணியை சுத்தியலில் இருந்து தப்பிக்க வைக்கும் முயற்சிதான் இந்த கேம்.
நேசமணிக்கே உரிய ஊதா சிவப்பு நிற உடையில் இருக்கும் வடிவேலு உருவத்தை விரலால இடது, வலது என நகர்த்தி மேலே இருந்து தவறி விழுந்துகொண்டே இருக்கும் சுத்தியல்களிலிருந்து காப்பாற்ற வேண்டும்.. தலையில் விழுந்துவிட்டால் வடிவேலு கத்தும் ஓசையுடன் கேம் ஓவர்.
இதில் பின்னே ஓடும் கைப்புள்ளையின் பின்னணி இசைதான் இன்னும் அட்டகாசம். இதில் எத்தனை சுத்தியல்களிலிருந்து தப்பிக்கிறோம் என்பதுதான் ஆட்டத்தின் ஸ்கோர்.
ஆட்டத்தை தொடங்குவதற்கு ‘ஆணியே புடுங்க வேணாம்’ என்ற பட்டனையும், தோற்றுவிட்டால் மீண்டும் விளையாட ‘நெக்ஸ்ட் மீட் பண்றேன்’ என்ற பட்டனையும் அழுத்த வேண்டும் என வடிவேலுவின் வார்த்தைகளாலேயே நிரம்பியிருக்கிறது இந்த கேம்…
மொத்தத்தில் நேசமணியை பொறுத்தவரை நெட்டிசன்கள் ஒரு முடிவில்தான் இருக்கிறார்கள் போல….