மழையால் மட்டுமே சென்னையை தண்ணீர் தட்டுப்பாட்டில் இருந்து காப்பாற்ற முடியும் என டைட்டானிக் பட நாயகன் லியானார்டோ டி காப்ரியோ தெரிவித்துள்ளார்.
‘டைட்டானிக்’ மற்றும் ‘தி ரெவனன்ட்’ உள்ளிட்ட ஹாலிவுட் படங்களில் நடித்து உலகப் புகழ் பெற்றவர் லியானார்டோ டி காப்ரியோ. சென்னையின் தண்ணீர் தட்டுப்பாடு குறித்து, பிபிசி வெளியிட்ட செய்தியை பார்த்த அவர், இன்ஸ்டாகிராம் பக்கத்தில் தனது வருத்தத்தை பதிவிட்டுள்ளார். மழையால் மட்டுமே சென்னையை காப்பாற்ற முடியும் என்று அவர் குறிப்பிட்டுள்ளார். நீர்நிலைகள் வறண்டு இருப்பதாகவும், இதனால், தண்ணீர் தட்டுப்பாட்டை எதிர்கொண்டுள்ளதாகவும் லியானார்டோ டி காப்ரியோ தெரிவித்துள்ளார். ஏரிகள் வறண்டு கிடப்பதால், தண்ணீர் தட்டுப்பாட்டை போக்க அதிகாரிகள் மாற்று வழிகளை யோசித்து வருவதாகவும் குறிப்பிட்டுள்ளார். மழைக்காக சென்னை மக்கள் தொடர்ந்து பிரார்த்தனை செய்து வருவதாகவும் லியானார்டோ டி காப்ரியோ இன்ஸ்டாகிராமில் பதிவிட்டுள்ளார்.