இந்தி நடிகர் சுஷாந்த் சிங்கின் காதலி ரியா சக்ரபர்த்தியின் ஜாமீன் மனுவை, மும்பை சிறப்பு நீதிமன்றம் தள்ளுபடி செய்தது.
பாலிவுட் நடிகர் சுஷாந்த் சிங்கை, அவரது காதலியும், நடிகையுமான ரியா சக்ரபர்த்தி தற்கொலைக்கு தூண்டியதாகவும், பணத்தை கையாடல் செய்ததாகவும், சுஷாந்தின் தந்தை புகார் அளித்தார். இதுகுறித்து சி.பி.ஐ., அமலாக்கத்துறை, போதைப்பொருள் தடுப்பு பிரிவு ஆகிய 3 முகமைகள் விசாரணை நடத்தி வருகின்றன.
போதைப்பொருள் விவகாரத்தில் நடிகை ரியா, அவரது சகோதரர் சோவீக் உள்பட 9 பேர் கைது செய்யப்பட்டனர். இந்நிலையில் ஜாமீன் கோரி நடிகை ரியா மற்றும் அவரது சகோதரர் தாக்கல் செய்த மனுவை, மும்பை சிறப்பு நீதிமன்றம் தள்ளுபடி செய்து உத்தரவிட்டது.