தென் ஆப்பிரிக்காவை வீழ்த்திய இந்திய ஹாக்கி அணிக்கு மோடி பாராட்டு

தென் ஆப்பிரிக்காவை வென்று இந்திய ஹாக்கி அணி சிறப்பான தொடக்கத்தை தந்துள்ளதாக பிரதமர் மோடி பாராட்டு தெரிவித்துள்ளார்.

உலகக் கோப்பை ஹாக்கி தொடர் புவனேஸ்வரில் நடைபெற்று வருகிறது. இந்தத் தொடரில் 16 அணிகள் பங்கேற்றுள்ளன. உள்நாட்டில் நடக்கும் போட்டி என்பதால் இந்திய ஹாக்கி அணி மீதான எதிர்பார்ப்பு அதிகரித்துள்ளது. நேற்று நடைபெற்ற இந்தியா, தென் ஆப்பிரிக்க அணிகள் மோதிய முதல் நாள் போட்டியில், தென் ஆப்பிரிக்காவை ஒரு கோல் கூட அடிக்க விடாமல் இந்தியா 5க்கு பூஜ்ஜியம் என்ற கணக்கில் அசத்தலான வெற்றியை பதிவு செய்துள்ளது. இது குறித்து டுவிட்டர் பதிவிட்டுள்ள பிரதமர் மோடி, தென் ஆப்ரிக்காவுக்கு எதிரான தொடக்க ஆட்டத்தில் இந்திய ஹாக்கி அணி வியத்தகு வெற்றி பெற்று சிறப்பான தொடக்கத்தை தந்துள்ளதாக பாராட்டியுள்ளார். எதிர் வரும் போட்டிகளிலும் வெற்றி பெற அவர் வாழ்த்து தெரிவித்துள்ளார்.

Exit mobile version