ராஜஸ்தானில் பயிற்சியின் போது நொறுங்கி விழுந்த போர் விமானம்

ராஜஸ்தானில் பயிற்சியின் போது போர் விமானம் விழுந்து நொறுங்கியதில், விமானி அதிர்ஷ்டவசமாக உயிர் பிழைத்துள்ளார்

ராஜஸ்தான் மாநிலம் ஜெய்சல்மர் மாவட்டத்தில் உள்ள பொக்ரான் பகுதியில் இந்திய விமானப்படைக்கு சொந்தமான மிக்-27 ரக போர் விமானத்தில் வீரர்கள் பயிற்சியில் ஈடுபட்டு கொண்டிருந்தனர். அப்போது திடீரென கட்டுப்பாட்டை இழந்த அந்த விமானம் கீழே விழுந்து நொறுங்கியது.

யாரும் எதிர்பாராத வகையில் நடந்த இந்த விபத்தில், விமானத்தில் பயணித்த விமானி பாராசூட் மூலம் குதித்ததால் அதிர்ஷ்டவசமாக உயிர் பிழைத்தார். இது தொடர்பாக அதிகாரிகள் விசாரணை மேற்கொண்டு வருகின்றனர்.